બીજા ગુના માટે સજા પામી ચૂકેલા ગુનેગારને સજા

(૧) કેદની સજા ભોગવી રહેલ કોઇ વ્યકિતને ત્યાર પછીની ગુના સાબિતી માટે કેદની કે આજીવન કેદની સજા કરવામાં આવે તો પછીની સજા એવી અગાઉની સજાની સાથોસાથ ભોગવવી એવો ન્યાયાલય આદેશ આપે તે સિવાય એવી કેદની કે આજીવન કેદની સજા તેને અગાઉ થયેલી કેદની સજા પૂરી થયા પછી શરૂ થશે.

પરંતુ જામીનગીરી ન આપવા બદલ જેને કલમ-૧૪૧ હેઠળના હુકમથી કેદની સજા કરવામાં આવી હોય તે વ્યકિતને તે એવી સજા ભોગવી રહેલ હોય ત્યારે એવો હુકમ થયા પહેલા તેણે કરેલા કોઇ ગુના માટે કેદની સજા કરવામાં આવે તો એવી પછીથી કરવામાં આવેલી સજા તરત શરૂ થશે.

(૨) આજીવન કેદની સજા ભોગવી રહેલ વ્યકિતને ત્યાર પછીની ગુના સાબિતી માટે નિદિષ્ટ મુદતની કેદની કે આજીવન કેદની સજા કરવામાં આવે ત્યારે પછીની સજા એવી અગાઉની સજા સાથોસાથ ભોગવવાની રહેશે.